2018-ci il fevralın 16-da Xəzər Universiteti Beynəlxalq Əlaqələr Şöbəsinin heyəti tələbələr üçün Mevlana Mübadilə Proqramı haqqında məlumat sessiyası keçirdi.

Sessiyanın əsas məqsədi tələbələr üçün Mevlana Mübadilə Proqramı haqqında ətraflı məlumat vermək və onlara bu imkandan necə yararlanmağın yollarını izah etmək idi. Beynəlxalq Əlaqələr Şöbəsinin koordinatoru Günay Fərzəliyeva proqram haqqında qısa təqdimat keçirdi, iştirakçıları qəbul şərtləri və tələb olunan sənədlərlə tanış etdi, tələbələrə uğurlu müraicət üçün faydalı məlumatlar verdi.

Görüşdə, həmçinin, cari tədris ilində proqramdan yararlanmış İqtisadiyyat və menecment fakültəsinin tələbəsi Aytac Ağayeva da iştirak etdi. A.Ağayeva Türkiyənin Sakarya Universitetində Mevlana mübadilə tələbəsi kimi qazandığı təcrübəni Xəzər Universitetinin tələbələri ilə paylaşdı.

Görüş sual-cavab ilə yekunlaşdı.