2018-ci il fevralın 9-da və 10-da Xəzər Universitetinin Potensial tələbələr üzrə işçi qrupunun koordinatoru Fuat Rəsulov, İctimai əlaqələr və media üzrə direktor Əlövsət Əmirbəyli və Layihə meneceri Ülkər Bayramova Lənkəran rayonunda səfərdə oldular.
Səfər zamanı Boladı kənd 1 və 2 saylı orta məktəblərin, Liman şəhər 1 saylı orta məktəbin və Cənub Hazırlıq Kurslarının şagirdləri və müəllimləri ilə görüşlər keçirildi, Xəzər Universiteti və burada kadr hazırlığı aparılan ixtisaslar haqqında geniş məlumat verildi, videoçarx nümayiş etdirildi və iştirakçıların sualları cavablandırıldı.
Lənkəran şəhərində və ətraf rayonlarda təhsil alan yuxarı sinif şagirdləri, onların valideynləri və müəllimləri ilə də universitet rəhbərliyinin görüşlərinin təşkil edilməsi qərara alınmışdır.