Xəzər Universitetinin Elmi işlər üzrə prorektoru, dosent İradə Xəlilova və universitetin Magistratura, doktrantura və elmi işlər bölməsinin müdiri Dr. Eldar Şahgəldiyev “Azərbaycanda doktorantura təhsilinin Avropa ali təhsil tələblərinə uyğun yenidən qurulması və inkişafı – NİZAMİ” layihəsi ilə bağlı növbəti görüşdə iştirak etdilər. Yanvarın 29-31-də Azərbaycan Dövlət İqtisad Universitetində təşkil olunmuş görüşdə ali təhsil müəssisələrində doktorantura səviyyəsinin standartlarının yaradılması və inkişaf etdirilməsi məsələləri müzakirə olunmuşdur.
Dosent İradə Xəlilova “Kommunikasiya –Azərbaycanın tərəfdaş təşkilatları tərəfindən həyata keçirilən işlərin nəticələri” və Dr. Eldar Şahgəldiyev “Professionallaşma – Azərbaycanın tərəfdaş təşkilatları tərəfindən həyata keçirilən işlərin nəticələri” barəsində təqdimatlarla çıxış etmiş və iştirakçıların çoxsaylı suallarını cavablandırmışlar.