2018-ci il yanvarın 20-si və 21-də Xəzər Universitetində “DARON” Disleksiyanın Korreksiyası üzrə Beynəlxalq Mərkəzin direktoru, İsrailli mütəxəssis Lora Zakon tərəfindən “Disleksiyada məşhur və unikal metod olan Ronald Deyvis seminarı” adlı tədbir keçirildi. Tədbirdə Xəzər Universiteti Psixoloji Xidmət Mərkəzinin direktoru Mələk Kərimova və Əlilliyi olan Tələbələr üçün Mərkəzin direktoru Rima Məmmədova da iştirak edirdilər. Tədbirdə öyrənmə çətinliyi kimi qiymətləndirilən disleksiya, diskalkuliya, disqrafiya, dispraksi kimi pozuntular haqqında ətraflı məlumat verildi. Tədbirin ikinci günündə belə çətinliyi olan insanlarla işləyərkən nələr edildiyi nümayiş etdirildi və dünyada çox istifadə edilən Ronald Deyvis metodu ilə əlaqədar master təlim keçirildi.

Konfrans sonunda Xəzər Universitetinin əməkdaşlarına da “DARON” Disleksiyanın Korreksiyası üzrə Beynəlxalq Mərkəzin beynəlxalq dərəcəli sertifikatı təqdim olundu.