2018-ci il yanvarın 17-də Xəzər Universitetinin Kitabxana-İnformasiya Mərkəzinin təşkilatçılığı ilə “Dünya” məktəbinin şagirdləri üçün “Çin guşəsi” layihəsi çərçivəsində “Yeni Çin iliniz mübarək” adlı tədbir keçirildi.

Tədbiri giriş sözü ilə Xəzər Universitetinin KİM-in direktor müavini Aytac Misgərli açaraq, “Çin guşəsi” layihəsi haqqında qonaqları məlumatlandırdı.

“Dünya” Məktəbinin Tədris işləri üzrə direktor müavini (rus bölməsi üzrə) Leyla Cəbrayılova BDU-nin nəzdindəki Konfutsi İnstitutunun dekanı Luo Xiaozhini və bütün müəllim heyətini salamladı, onlara əməkdaşlıq üçün təşəkkürünü bildirdi.

Daha sonra Xəzər Universitetinin KİM-nin əməkdaşı Samirə Orucova şagirdlərə tədbirdə göstəriləcək sənət nümunələri haqqında məlumat verdi və onlara praktik işlərdə aktiv olmağı tövsiyə etdi. Bütün iştirakçılar tədbirin keçirilməsindən məmnun oldular və təşkilatçılara xüsusi minnətdarlıq bildirildi.

Sonda iştirak edən bütün şagirdlər xüsusi hazırlanmış hədiyyələr ilə mükafatlandırıldılar.