2018-ci il yanvarın 12-si və 13-də Xəzər Universitetinin Potensial tələbələr üzrə işçi qrupun koordinatoru Fuat Rəsulov, İctimai əlaqələr və media üzrə direktor Əlövsət Əmirbəyli və Təhsil departamentinin koordinatoru Qoşqar Məhərrəmov Şəki və Qax şəhərlərinə səfərdə oldular. Səfər zamanı həmin şəhərlərdə yerləşən müxtəlif orta məktəblər və hazırlıq kurslarının yuxarı sinif şagirdləri, onların valideynləri və müəllimləri ilə görüşlər keçirildi, Xəzər Universiteti və burada kadr hazırlığı aparılan ixtisaslar haqqında geniş məlumat verildi, videoçarx nümayiş etdirildi və iştirakçıların sualları cavablandırıldı. Görüş zamanı növbəti il Şəki və Qax şəhərlərində təhsil alan yuxarı sinif şagirdləri, onların valideynləri və müəllimləri ilə universitet rəhbərliyinin görüşlərinin təşkil edilməsi qərara alındı.