2018-ci il yanvarın 12-də Xəzər Universitetində Erasmus+ “Ombudsman vəzifəsi yaratmaqla tələbələrin təmsili təyin olunması” (“Advocacy Establishment for Students through Ombudsman Position” – AESOP) layihəsi çərçivəsində görüş keçirildi. Görüşün əsas məqsədi AESOP layihəsi çərçivəsində yaradılacaq ombudsman ofisinin nizamnaməsini müzakirə etməkdən ibarət idi.

Görüşdə Xəzər Universitetinin rektoru Hassan Niknafs, Tədris işlər üzrə prorektor Məhəmməd Nuriyev, İdarəetmə və tələbə işləri üzrə prorektor İsaxan İsaxanlı, AESOP layihəsinin rəhbəri Rima Məmmədova, İngilis dili və ədəbiyyatı kafedrasının müdir müavini Eynur Mehdiyev və Qəbul və tələbə şöbəsinin müdiri Lamiyə Namazova iştirak etdilər.