2017-ci il dekabrın 26-da Xəzər Universiteti Azərbaycan dili və ədəbiyyatı departamentinin müəllimi Xatirə Yusifova AMEA Məhəmməd Füzuli adına Əlyazmalar İnstitutunda Təhsil fakültəsinin tələbələri ilə “Əski əlifba” fənni çərçivəsində “Əlyazma nümunələri ilə tanışlıq” mövzusunda dərs keçdi. Bu dərs müddətində tələbələr əlyazma nümunələri ilə yaxından tanış oldular. Tələbələr Yaxın və Orta Şərq, Şimali Afrika xalqlarının elm və mədəniyyətinə aid türk, ərəb, fars dillərində qiymətli əsərlərlə, eyni zamanda, XIX-XX əsrlərdə yaşamış görkəmli elm və mədəniyyət xadimlərinin şəxsi sənədləri, əski çap kitabları, əvvəlki dövrlərin qəzet və jurnalları, müxtəlif mikrofilm və foto surətləri ilə tanış oldular.