2017-ci il dekabrın 22-də Xəzər Universiteti Karyera mərkəzinin təşəbbüsü ilə KPMG şirkəti universitetin İqtisadiyyat və menecment fakültəsinin tələbələri üçün seminar keçirdi.
Seminarda KPMG-nin əməkdaşları - Audit və güvənlik departamentinin işçisi Kərim Daiyev bu sahənin əhəmiyyəti və əsas rolu, Qurban Abbasov qiymətləndirmə, birləşmə və akvizisiyalar, maliyyə, Zəhra İmranova isə əməliyyat xidmətləri haqqında danışdılar. Sonra Xəzər Universitetinin şirkətdə çalışan məzunu - Aslan Bağırov (vergi departamenti) və Aysel Balakişiyeva (hüquq bölməsi) çıxış etdilər.
Seminarın sonunda şirkətin nümayəndələri tələbələrin suallarını cavablandırdılar.