2017-ci il dekabrın 20-də Xəzər Universiteti Dillər və mədəniyyətlər departamentinin koordinatoru f.ü.f.d. Zivər Hüseynli-Baylan “Əski Azərbaycan yazısı” fənninin tələbələri üçün AMEA-nın Məhəmməd Füzuli adına Əlyazmalar İnstitutuna ekskursiya təşkil etdi. Həmin fənnin digər müəllimi f.ü.f.d. Xatirə Yusifovanın köməyi ilə təşkil olunan bu gəzintidə, tələbələr milli-mənəvi dəyər olan əlyazmalarla tanış oldular, əlyazmalardan istifadə qaydası, əlyazmaların saxlanıldığı şərait və bərpa işləri haqqında məlumat aldılar. Tələbələr, həmçinin, institutun qocaman əməkdaşı, Azərbaycanın taxta üzərində oyma sənəti ilə məşhur olan xəttat Seyfəddin Məmmədvəliyevlə də görüşdülər, onun sənət nümunələri ilə yaxından tanış oldular.