Azərbaycan Milli Elmlər Akademiyasının “Xəbərlər (Humanitar elmlər)” jurnalı 2017-ci ildəki son buraxılışında (№2) Xəzər Universiteti Azərbaycan dili və ədəbiyyatı departamentinin müəllimi Qardaşxan Əzizxanlının “Çağdaş Azərbaycan şeirində xalq arxetipi və xalq yaradıcılığı problemi” adlı məqaləsinə də yer ayırmışdır.

Məqalədə vətəndaşlıq lirikasının mənbəyi kimi şairin tərənnüm etdiyi xalq, mənsub olduğu millət göstərilir. Qeyd edilir ki, milli dəyərlərdən kənarda qalan şair vətəndaş ola bilməz. Bildirilir ki, M.Araz, S.Tahir AzərAzər və M.İsmayıl lirikasının mənbə və qaynaqları xalq mövzusu (arxetipi) və folklorumuz kontekstində araşdırılmayıb, bu mövzu elmi şəkildə öz həllini gözləyən məsələlərdəndir. Məqalə bu istiqamətdə atılmış ilk addımlardan sayıla bilər. Məqalədə vətəndaşlıq lirikasının ən yaxşı nümunələri mövzu obyektinə çevrilir; bayatı, gəraylı, qoşma formasında yazılmış poetik seçmələr misal gətirilməklə, həmin parçaların nağıl, dastan və qəhrəmanlıq eposlarına məxsus xüsusiyyətləri qısaca nəzərdən keçirilir, həmçinin, totemlərə ehtiramın, yeri gəldikcə, xalq qəhrəmanlarına müraciətin M.Araz, S.Tahir AzərAzər və M.İsmayıl lirikasının başlıca keyfiyyəti kimi üzə çıxdığı vurğulanır.

Məqalə ilə bu linkdə tanış ola bilərsiniz.