2017-ci ilin dekabrında Xəzər Universitetinin Psixologiya departamentinin koordinatoru Ülkər İsayeva Kaliforniya ştatının Anaheim şəhərində keçirilmiş “Psixoterapiyanın təkmilləşdirilməsi” adlı konfransda iştirak etdi. Milton H.Erickson Fondunun təşkil etdiyi konfrans sağlamlıq sahəsində akkreditə olunmuş qurumların magistr və daha üst dərəcəsi olan mütəxəssisləri üçün açıqdır və dörd ildən bir Anaheim Konqres Mərkəzində keçirilir. Konfransda 20 ölkəni təmsil edən 7000 nəfər mütəxəssis psixologiya və psixiatriya sahəsində bir çox görkəmli mühazirələr, seminarlar verir və çıxışlar edir, müzakirələrə, klinik göstərişlərə və aktual panellərə qatılırlar.