2017-ci il dekabrın 15-də Xəzər Universitetinin təsisçisi və Direktorlar və Qəyyumlar Şurasının sədri professor Hamlet İsaxanlı Azərbaycan Dövlət İqtisad Univeristetinin təşkil etdiyi TEDxUNEC tədbirində spiker qismində iştirak etdi. “Çərçivədən kənar” mövzusuna həsr olunan konfransın ilk spikeri professor Hamlet İsaxanlı oldu. “Təhsilin gələcəyi – gələcəyin təhsili” mövzusunda çıxış edən Professor bəşəriyyətin gələcəyinin elmdə olduğunu vurğuladı. Kitabla rəqabət aparan informasiya daşıyıcılarının çoxluğuna diqqət çəkən H.İsaxanlı əsas bilik ötürücülərini informasiya-kommunukasiya alətləri, ailə və universitet kimi təsnifatlandırdı. O, bu vasitələrin hər üçündən maksimum yararlanmağı tövsiyə etdi: “Gələcəyimiz bu gün gördüyümüz işlərin davamıdır. Yaxşı təhsil, daha yaxşı gələcək deməkdir!”