2017-ci il dekabrın 1-də BP-nin işə qəbul üzrə məsləhətçisi Mehriban Şıxzamanova və qazma mühəndisi Fərid Hüseynov Xəzər Universitetində tələbələr üçün “BP yay təcrübəsi-2018” proqramının təqdimatını etdilər.

Proqram barədə məlumat verən BP-nin nümayəndəsi Mehriban Şıxzamanova bildirdi ki, ixtisası vakant yerlərə uyğun gələn, Azərbaycan vətəndaşı olan və 2019-cu ildə məzun olacaq hər bir tələbə proqramda iştirak üçün sənəd təqdim edə bilər. Sənədləri uyğun hesab olunan hər bir tələbə 3 mərhələli qəbul imtahanılarında iştirak etdikdən sonra müvəffəq olan tələbə iyunun 2-dən sentyabrın 15-dək işə qəbul ediləcək. BP şirkətinin qazma mühəndisi Fərid Hüseynov tələbə olarkən proqrama necə qoşulduğu və nə qazandığı barədə tələbələrə motivasiya xarakterli məlumat verdi.

BP-nin əməkdaşları sonda tələbələrin suallarını cavablandırdılar.