2017-ci il noyabrın 25-də Xəzər Universitetinin I kurs xarici tələbələri Tarix və arxeologiya departamentının müdiri Roza Arazova və müəllimi Bayram Quliyevlə birlikdə Azərbaycan xalqının minilliklərlə ölçülən tarixini özündə əyanı formada əks etdirən Milli Azərbaycan Tarixi Muzeyinə ekskursiya etdilər. Ekskursiyadan əvvəl müəllim Bakı şəhəri və yol üzərində yerləşən tarixi abidələr haqqında tələbələrə məlumat verdi. Muzeydə Azərbaycanın qədimdən müasir dövrümüzə qədər tarixinin bir hissəsini əyanı formada görən tələbələr ekskursiyadan məmnun ayrıldılar. Azərbaycan əhalisinin erkən orta əsrlərdən bəri ərəb əlifbasından istifadəsi, ibtidai icma quruluşuna dair arxeoloji tapıntılar, etnoqrafik əyani vəsaitlər və Xocalı faciəsi haqqında məlumatlar tələbələrin ən çox marağına səbəb olan məlumatlar oldu.

Tələbələr bu cür ekskursiyaların davamlı olmasını arzu etdilər.