2017-ci il noyabrın 15-də Xəzər Universiteti Təhsil fakültəsi tarix müəllimliyi ixtisasının 2012-2016-cı il məzunları onlara doğma olan Tarix və arxeologiya departamentini ziyarət etdilər. Departamentin müdiri Roza xanım Arazova ilə keçmiş xatirələri yada salıb, söhbət etdilər. Xoş təsadüf idi ki, onlara vaxtikən dərs demiş Orxan Zamanov da departamentdə idi. Məzunlardan bəziləri artıq müəllim kimi fəaliyyət göstərir, bəziləri isə təhsillərini magistratura pilləsində davam etdirirlər. Keçmiş tələbələrini görmək Roza xanıma və Orxan müəllimə də çox xoş oldu.