2017-ci il noyabrın 13-də Xəzər Universitetində Azərbaycanda Milli Erasmus+ Ofisi tərəfindən “Advocacy Establishment for Students through Ombudsman Position” (AESOP) Erasmus+ layihəsinin monitorinqi keçirildi. Görüşdə Azərbaycanda Milli Erasmus+ Ofisinin nümayəndələri, Xəzər Universitetinin layihə koordinatoru Rima Məmmədova, Tələbə qəbul və məlumat şöbəsinin müdiri Lamiyə Namazova, İngilis dili və ədəbiyyatı departamenti müdirinin müavini Eynur Mehdiyev, Naxçıvan Dövlət Universitetinin Beynəlxalq Əlaqələr Ofisinin rəhbəri Röya Səfərova, Naxçıvan Universitetinin layihə koordinatoru Elmira Hüseynova və Gəncə Dövlət Universitetinin Beynəlxalq Əlaqələr Ofisinin direktoru Ruslan Məmmədov iştirak etdilər.
Görüş zamanı layihə koordinatoru Rima Məmmədova AESOP Erasmus+ layihəsi və Xəzər Universitetinin layihə çərçivəsində həyata keçirdiyi fəaliyyətlər haqqında geniş məlumat verdi. Həmçinin, Naxçıvan Dövlət Universiteti, Naxçıvan Universiteti və Gəncə Dövlət Universitetinin nümayəndələri də layihə çərçivəsində indiyədək gördükləri fəaliyyətlər haqqında hesabat verdilər.
Görüş universitetlər tərəfindən hesabatlar təqdim olunduqdan sonra müzakirələr ilə davam etdi.