2017-ci il noyabrın 11-nə keçən gecə Masazırda baş vermiş dəhşətli yanğın zamanı “Dünya” məktəbinin rəqs müəllimi Əlibəndə Əliyev 37 yaşında faciəli surətdə vəfat etmişdir.

Tanınmış rəqqas olan Əlibəndə Əliyev Azərbaycan Dövlət Mahnı və Rəqs ansamblı, Xəzər Universitetinin Mahnı və Rəqs ansamblı və Azərbaycan Dövlət Uşaq Filarmoniyasında çalışıb. Rəqqas kimi 10-dan çox ölkədə Azərbaycan rəqs ansamblının tərkibində çıxış edib.

Son illərdə Xəzər Universiteti “Dünya” məktəbində oğlanlardan ibarət rəqs ansamblının rəhbəri vəzifəsində çalışan Əlibəndə Əliyev peşəkar fəaliyyəti və səmimi davranışı ilə məktəb kollektivinin və şagirdlərin böyük rəğbətini qazanmışdı.

“Dünya” məktəbi və Xəzər Universitetinin kollektivləri iş yoldaşları Əlibəndə Əliyevin faciəli fəfatından kədərləndiklərini bildirir və mərhumun ailəsinə dərin hüznlə başsağlığı verirlər.

Allah rəhmət eləsin!