2017-ci il oktyabrın 26-da Xəzər Universitetinin Mərmər salonunda Fidan Hacıyeva adına Musiqi Məktəbi tələbələrinin konserti keçirildi. Konsertdə universitetin rəhbərliyi, əməkdaşları və tələbələri iştirak edirdilər.

Konsertdə fortepianonun müşayiəti ilə (Şahin Yəhyazadə) məktəbin müəllimi Arzu Qurbanova, tələbələr – Leyla Qürbətli, Orxan Cabbarov, Ariz Nəbiyev, Mətləb Ağayev, Rəna Cəfərzadə, Nəzrin Həsənzadə, Bob Petrie və başqaları Azərbaycan və Avropa bəstəkarlarının vokal əsərlərini ifa etdilər. Konsertin sonunda xalq artisti Fidan Hacıyeva ilə tələbələrinin birgə ifasında Müslüm Maqomayevin “Azərbaycan” mahnısı səsləndi.

Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı çıxış edərək, tələbələrin çıxışını yüksək qiymətləndirdi və onlara uğurlar arzuladı.

Sonda universitetin Musiqi və incəsənət departamentinin müdiri, əməkdar müəllim, pianoçu Zülfiyyə Sadıqova Fidan Hacıyeva adına Musiqi Məktəbinin Xəzər Universitetinin təşəkkürnaməsi ilə təltif olunduğunu bildirdi və təşəkkürnaməni xalq artistinə təqdim etdi.