Oktyabrın 26-da Xəzər Universitetinin rektoru Dr. Hassan Niknafs universitetin Mərmər salonunda Humanitar və sosial elmlər fakültəsinin birinci kurs tələbələri ilə görüş keçirdi. H.Niknafs görüşdə tələbələrə Xəzər Universitetini seçdikləri üçün təşəkkürünü bildirdi, onları tələbə adını qazanmaları münasibətilə təbrik etdi və universitetin daxili nizam-intizamı, eləcə də, imtahan qaydaları ilə bağlı məlumat verdi.

Sonra fakültənin dekanı dosent Cabir Xəlilov çıxış edərək, onlara həm dərslərində, həm də imtahanlarda uğurlar arzuladı. Sonda tələbələrin sualları cavablandırıldı.