2017-ci il oktyabrın 20-də Xəzər Universitetində qarşılıqlı mübadilə əsasında İsveçrənin Zürix Universitetinin entomologiya, sistematika və parazitologiya üzrə eksperti Dr. Francıs Schaffner, Tunisin Lui Paster adına Elmi Tədqiqat İstitutunun entomoloqu, tədqiqatçı Dr. Fatma Khrouf və Azərbaycan Dövlət Aqrar Universitetinin Baytarlıq fakültəsinin assistenti, gənc tədqiqatçı Kuşvər Məmmədova Beynəlxalq VectorNet tədqiqat layihəsi çərçivəsində seminar-konfrans keçirdilər. Bu layıhə Avropanın Qida Təhlükəsizliyi Təşkilatı (European Food Safety Authority –EFSA), Avropanın Xəstəliyə Qarşı Mübarizə və İdarəetmə Mərkəzi (European Centre for Disease Prevention and Control –EFSA) və Dünya Sağlamlıq Təşkilatı (World Health Organization) tərəfindən dəstəklənirdi. Layihənin məqsədi dünya üzrə vektor və patogenlər haqqında məlumatların toplanması və onların insan və heyvan sağlamlığı üçün təhlükəsizliyinin araşdırılmasıdır. Tədqiqatçılar Azərbaycanın 50-dən çox bölgələrində olmüş və bölgələrdə virusların yayılmasında mühüm rol oynayan ağcaqanadları toplamışlar. Onlar genetik analizlər apardıqdan sonra ağcaqanadların hansı növlərinin Azərbaycanda yayılmasının xəritəsini hazırlayaraq, növbəti görüşdə təqdim edəcəklər. Qeyd etmək lazımdır ki, bundan əvvəl onlar belə bir xəritəni Avropa, Turkiyə və Gürcüstan üçün qurmuşlar.
Seminar-konfrans iki hissədən ibarət idi. Birinci hissədə Dr. Francıs Schaffner layinənin məqsəd və vəzifələri, təhlükəli virus xəstəliklərin yayılmasında iştirak edən mühüm ağcaqanad növləri və bu vaxta qədər araşdırılan ölkələrin və Azərbaycan üçün araşdırılan bölgələrin xəritəsini təqdim etdi. Dr. Fatma Khrouf isə ağcaqanadların toplanması və onların tədqiqat üsulları haqqında çıxış etdi.
Seminar müzakirələr və gələcək tədqiqat planları haqda nəticələrlə başa çatdı.