2017-ci il oktyabrın 25-də İvana Cavaxişvili Tbilisi Dövlət Universitetində “Universitetdə miqrasiya təhsilinin təşviqi” Erasmus+ (PROMIG, 573554-EPP-1-2016-1-GE-EPPKA2-CBHE-JP) layihəsi çərçivəsində növbəti konsorsium görüşü başladı. Görüşdə Xəzər Universiteti İnkişaf Mərkəzinin layihə meneceri Ülkər Bayramova ilə yanaşı, Avropadan Alikante Universiteti (İspaniya), Oldenburg Universiteti (Almaniya), WUS Austria (Avstiriya) təşkilatı, Tabeş Universiteti (Əfqanıstan), Gürcüstan universitetlərinin nümayəndələri də iştirak edirlər. İki gün davam edəcək görüşdə Tabeş Universitetində “İqtisadiyyat və miqrasiya təhsili” magistr ixtisasının yaradılması üçün görülən hazırlıqlar, layihənin keyfiyyətli idarə olunması və layihə qarşısında duran məsələlər müzakirə olunacaq, akademik heyət üçün təlimlər keçiriləcək.