2017-ci il oktyabrın 12-də Xəzər Universiteti və “Dünya” məktəbinin nümayəndə heyəti Viktor Hüqo məktəbini ziyarət etdi.
Parisdə yerləşən EIB (İkidilli Beynəxalq Məktəb) – Viktor Hüqo məktəbi məktəbəqədər təhsildən ali məktəbə qədər, həmçinin 2 illik universitet kurrikulumu təklilf edən beynəlxalq özəl məktəbdir. Məktəbin direktoru təhsil müəssisəsi haqqında danışdı, onun tarixi və təklif etdiyi proqramlar barədə məlumat verdi.
“Dünya” məktəbi haqqında məktəbin direktoru Mərufə Mədətli və IB (beynəlxalq bakalavriat) proqramının koordinatoru Rəna Həsənova təqdimat keçirdilər. “Dünya” məktəbi haqqında video da nümayiş etdirildi.
Görüş iki məktəb arasında əməkdaşlıq barədə müzakirələrlə davam etdi. Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı və “Dünya” məktəbinin həmtəsisçisi Nailə xanım İsayeva xanım Frans Ponsartı “Dünya” məktəbinə dəvət etdilər.
Görüş məktəb ətrafında gəzinti ilə başa çatdı.