2017-ci il oktyabrın 16-dan 20-dək Azərbaycan və Avropa ali təhsil müəssisələrinin tərəfdaş üzvlərinin, eləcə də, Azərbaycan Respublikası Təhsil Nazirliyi nümayəndəsinin iştirakı ilə ERASMUS+ PETRA layihəsinin görüşü Macarıstanın Debrecen Universitetində keçirildi.

Görüşdə Xəzər Universitetini Təhsil fakültəsinin dekanı Dr.Elza Səmədova və Keyfiyyətin Təminatı Mərkəzinin rəhbəri Lyudmila Sotova təmsil edirdilər.

Görüşün əsas məqsədi Debrecen Universitetinin təlim-tədris və tədqiqat təcrübəsinin öyrənilməsi idi.

Görüş zamanı iştirakçılara universitetdə aparılan tədqiqat işləri, tədris prosesi və beynəlxalq əlaqələr haqqında təqdimatlar edildi. Daha sonra iştirakçılar Elm və Mədəniyyət Mərkəzinin fəaliyyəti ilə tanış oldular, layihə çərçivəsində təşkil olunmuş beynəlxalq konfransda iştirak etdilər.