2017-ci il oktyabrın 11-də Xəzər Universitetinin komandası “P2P: Facebook qlobal rəqəmsal çağırış” proqramının koordinatoru xanım Şavanna Kazins ilə Skype danışığı apardı. Görüşün əsas məqsədi komanda üzvlərini proqram koordinatoruna təqdim etmək, layihənin ideyası və onun həyata keçirilməsi üçün strategiyaları müzakirə etmək idi. Görüş zamanı xanım Kazins komandanı kampaniya ilə ətraflı tanış etdi, əsas ideya haqqında danışdı və tələbələrin kampaniya ideyaları haqqında fikirlərini söylədi.

Görüş kampaniyanın həyata keçirilməsində növbəti addımları müəyyənləşdirməklə sona çatdı.

Qeyd edək ki, Xəzər Universitetinin komandası ekstremizmi hədəfləyən rəqəmsal kampaniyanı dizayn edib həyata keçirəcək və dünyanın müxtəlif universitetlərini təmsil edən komandalarla yarışacaq.