2017-2018-ci akademik ilinin payız semestrində Xəzər Universiteti “P2P: Facebook qlobal rəqəmsal çağırış” adlı ümumdünya universitet gənclərinin təşəbbüsü və beynəlxalq yarışında iştirak edəcək. Artıq üçüncü dəfədir ki, universitet bu qlobal çağırışda iştirak edəcək. 

Universiteti müxtəlif fakültə və departamentlərin, xüsusilə İqtisadiyyat və menecment departamentinin, Psixologiya departamentinin və Siyasi elm və beynəlxalq münasibətlər departamentinin bir qrup tələbəsi təmsil edəcək.

Universitet, müxtəlif məktəb və fakültələrdən, əsasən, İqtisadiyyat və menecment, Psixologiya, Siyasi elmlər və beynəlxalq münasibətlər fakultələrindən olan tələbə komandası ilə təmsil olunacaq. Hər bir iştirakçı komanda öz icması ilə səsləşən və ekstremizmi hədəfləyən rəqəmsal marketinq kampaniyası hazırlamalı və həyata keçirməlidir.

Xəzər Universitetinin komandası yerli və xarici olmaqla, 14 tələbədən ibarətdir: 

• Amanullah Nazari (İqtisadiyyat, BBA/ Əfqanıstan)
• Aytəkin Kərimova (Biznesin idarə edilməsi, BBA/ Azərbaycan)
• Danu Ade Setiavan (Bank işi, MBA/ İndoneziya)
• Günay Fərzəliyeva (Biznesin idarə edilməsi, MBA/ Azərbaycan)
• Həsən Əlili (Menecment, BBA/ Azərbaycan)
• Cəlal Hüseynbəyli (Beynəlxalq münasibətlər, BA/ Azərbaycan)
• Ləman Quliyeva (Psixologiya, BA/ Azərbaycan)
• Mina Məhərova (Marketinq, BBA/ Azərbaycan)
• Mətin Məmmədzadə (Marketinq, BBA/ Azərbaycan)
• Murtaza Afzali (İqtisadiyyat, BBA/ Əfqanıstan)
• Ruslan Osmanlı (Menecment, BBA/ Azərbaycan)
• Tatenda Melodi Mudara (Beynəlxalq münasibətlər, BA/ Zimbabve)
• Araz Məmmədov (Politologiya, BA/ Gürcüstan)
• Murad Nuriyev (Maliyyə, BBA/ Azərbaycan).

2017-ci il oktyabrın 6-da komanda kampaniya haqqında fikir mübadiləsi aparmaq, əsas ideya və hədəflərini müəyyənləşdirmək üçün ilk görüşünü keçirdi. 

Xəzər Universitetinin “P2P: Facebook qlobal rəqəmsal çağırış” yarışında iştirakını Beynəlxalq əlaqələr ofisi koordinasiya edir. 

P2P: Facebook qlobal rəqəmsal çağırış haqqında 

“P2P: Facebook qlobal rəqəmsal çağırış” proqramı dünyanın müxtəlif universitetlərinin sosial və ya rəqəmsal təşəbbüsün müvəffəqiyyətini layihələndirən, pilotlaşdıran, həyata keçirən və ölçən tələbə komandalarını tələbələri nifrət və ekstremist çıxışlara qarşı mübarizə aparmağa motivasiya edən və ya təmin edən alət, yaxud vasitədir. Bu proqram digər tələbələrə nifrət və ekstremist çıxışlara qarşı çıxmaq üçün öz təşəbbüslərini, məhsullarını və ya vasitələrini yaratmaq üçün katalizatorluq edir və öz fəaliyyəti ilə nifrət və ekstremist çıxışlara qarşı paylaşılan dəyərlərə yönəlmiş şəbəkə cəmiyyətini qurur.

P2P 2015-ci ildə Ağ Evin təşəbbüsü ilə başladılmış, daha sonra online nifrət və ekstremizmə qarşı sosial və rəqəmsal media kampaniyaları yaratmaq üçün ABŞ hökumətinin əməkdaşlığı ilə dünyanın 23 universitetindən tələbələrin qoşulduğu qlobal universitet yarışmasıdır. Facebook dövlət-özəl tərəfdaşlığın yaradılması üçün 2015-ci ilin payızında P2P-yə cəlb olundu. Onlar bütün komandalara Facebook-da reklam kreditləri verir və onlar 2016-cı ilin payızından bütün beynəlxalq komandalar üçün rəsmi proqram sponsoru olaraq çıxış edirlər.

(Mənbə: https://edventurepartners.com/peer-to-peer-facebook-global-digital-challenge-spring-2017-winners-named-in-dc/). 

Proqram haqqında daha çox məlumat əldə etmək üçün, bu linkə daxil ola bilərsiniz: 

EdVenture Partners-in vebsaytı: https://edventurepartners.com/peer-to-peer-facebook-global-digital-challenge/#program_process_anchor.