2017-ci il oktyabrın 12-də Xəzər Universitetinin “Mərmər” salonunda Fövqaladə Hallar Nazirliyi Dövlət Yanğın Xidmətinin nümayəndələri ilə müəllim və tələbələrin görüşü keçirildi. Universitetin İctimai əlaqələr və media üzrə direktoru Əlövsət Əmirbəyli FHN-nin nümayəndələrini salondakılara təqdim edərək fövqalədə hallarla bağlı geniş məlumat verdi.

FHN Dövlət Yanqın Xidmətinin 3-cü Ərazi Dövlət Yanqın Nəzarəti İdarəsinin Böyük inspektoru, daxili xidmət mayoru Xanlar Mahmudov təhsil müəssisələrinin yanğın təhlükəsizliyinin təmin edilməsi mövzusunda geniş məruzə ilə çıxış etdi. Çıxışdan sonra o, tələbələrin və müəllimlərin suallarını cavablandırdı.

Görüşdə həmin idarənin böyük inspektoru, xidmət mayoru Tofiq Müvəffəqi, FHN-nin Bakı Regional Mərkəzinin baş zabiti, kapitan Ramil Səfərov və digər şəxslər iştirak edirdilər.

Sonda xatirə şəkilləri çəkildi.