2017-ci il oktyabrın 9-dan 13-dək Xəzər Universiteti və “Dünya” məktəbinin nümayəndələrindən ibarət işçi heyəti Paris Sorbonne Universiteti-Abu Dabi tərəfindən təşkil olunmuş təcrübə mübadilə səfəri ilə Fransada olacaqlar.

Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının başçılıq etdiyi işçi heyətinə Xəzər Universitetinin (rektor Dr. Hassan Niknafs, Elmi işlər üzrə prorektor Dr. İradə Xəlilova, İnkişaf Mərkəzinin direktoru Raziyyə İsayeva, Psixologiya departamentinin koordinatoru Ülkər İsayeva, Beynəlxalq əlaqələr şöbəsinin direktoru Turan Cəfərova) və “Dünya” məktəbinin (“Dünya” məktəbinin həmtəsisçisi Nailə İsayeva, məktəbin direktoru Mərufə Mədətli, İB proqramı koordinatoru Rəna Həsənova) əməkdaşları daxildirlər.