2017-ci il oktyabrın 10-da Xəzər Universitetinin işçi heyəti Sarbon Universitetinə ekskursiyada iştirak etdilər, Parisin nüfuzlu dövlət məktəbi, Fransanın ən məşhur liseylərindən biri olan Louis de Grande (Louis-le-Grand liseyi) məktəbini ziyarət etdilər.
Sarbon ekskursiyası nümayəndə heyətinə universitetin təsisatları ilə, onun tarixi və inkişafı, fakültələr və proqramlarla tanış olmağa imkan yaratdı.
Eyni gündə professor Hamlet İsaxanlının başçılıq etdiyi Xəzər Universiteti və “Dünya” məktəbinin inzibati heyət üzvlərindən ibarət nümayəndə heyəti cənab Jan Bastianelli ilə görüşdülər.
Cənab Jan Bastianelli məktəbə ekskursiya təşkil etdi və nümayəndə heyətinin üzvlərini buradakı proqramlar, təşkilati struktur, seçim prosesi və digər məsələlər haqqında məlumatlandırdı.
Professor Hamlet İsaxanlı və Nailə xanım İsayeva Xəzər Universiteti və “Dünya” məktəbi haqqında materiallar və Azərbaycandan ənənəvi suvenirləri təqdim etdilər. Onlar cənab Jan Bastianellini əməkdaşlıq və birgə layihələr təşkil etmək barədə müzəkirələri davam etdirmək üçün “Dünya” məktəbini ziyarət etməyə dəvət etdilər.