2017-ci il sentyabrın 30-da Xəzər Universiteti Tələbə Məclisi universitetə yeni daxil olmuş tələbələrlə maarifləndirici görüş təşkil etdi. Tədbiri universitetin İctimai əlaqələr və media üzrə direktoru Əlövsət Əmirbəyli tələbələri təbrik edərək, açdı. Daha sonra Tələbə Məclisinin prezidenti Qurban Əsgərov tələbələrə universitetdə gənclərin fəallığı ilə görülmüş işlər, onlarla maraqlı layihələrin həyata keçirilməsi, asudə vaxtlarının səmərəli təşkili, bilik səviyyələrinin və dünyagörüşlərinin artmasına diqqət və bu sahədə rəhbərliyin qayğısı və dəstəyi, yaradılan hər cür şərait haqqında geniş məlumat verdi. Tələbə Məclisinin son bir il ərzindəki fəaliyyətini əks etdirən video-çarxlar nümayiş etdirildi. Yeni qəbul olmuş tələbələrə Tələbə Məclisi ilə əməkdaşlıq edən “İrəli İctimai Birliyi” və “AIESEC in Azerbaijan” təşkilatı da özləri haqqında geniş məlumat verdilər, ictimai-sosial fəal tələbə olmağın faydalarından danışdılar.

Görüşün sonunda tələbələri maraqlandıran suallar cavablandırıldı.