2017-ci il sentyabr 9-u və 10-da Xəzər Universiteti Humanitar və sosial elmlər fakültəsində yaradılmış Hüquq Tədris Mərkəzində davamlı olaraq həyata keçirilən layihə çərçivəsində “Avropa İnsan Hüquqları Konvensiyasının təhlili” mövzusunda növbəti təlim keçirildi. Təlimdə bir sıra universitetlərin, o cümlədən, Xəzər Universitetinin məzunları və tələbələri iştirak edirdilər. Təlimdə Avropa İnsan Hüquqları Məhkəməsinə şikayətlərin verilməsi qaydası müzakirə olundu, iştirakçılar Avropa İnsan Hüquqları Konvensiyasının müxtəlif maddələri və məhkəmə qərarları ilə yaxından tanış oldular. Həmçinin, təlimdə AİHM-nə şikayətlərin verilməsi qaydası müzakirə edildi, iştirakçılar Avropa İnsan Hüquqları Konvensiyasının müxtəlif maddələri və AİHM-nin qərarları ilə yaxından tanış oldular.

Təlimi Avropa İnsan Hüquqları Assosiasiyasının üzvü, Avropa İnsan Hüquqları Məhkəməsində hüquqşünas işləmiş Könül Qasımova aparırdı.

Təlimin keçirilməsi üçün iki gün nəzərdə tutulsa da, təlim maraqlı və məhsuldar keçirildiyinə görə, iştirakçılar təlimin davam etdirilməsi üçün müraciət etmişdilər. İştirakçıların müraciətlərini nəzərə alaraq, təlimin davamı növbəti aylarda da planlaşdırılır.