Xəzər Universiteti Mühəndislik və tətbiqi elmlər fakültəsinin 4 tələbəsi Fərid İsrafilov, Asif Həsənli, Fərid Əmiraslanlı və Nəzrin Babaşova 2017-ci ilin mayında “Encotec” şirkətində 2 həftəlik təlimdən sonra işə götürülmüşdür. “Encotec” şirkəti 2001-ci ildə Faiq Rzayev tərəfindən təsis edilib və yaxşı idarə olunan çoxsahəli mühəndis-layihələşdirmə şirkətidir. Şirkət əsasən Azərbaycanın neft və qaz sənayesinə texniki layihələşdirmə xidmətlərini, layihələrin idarə edilməsi, quraşdırma və istismara vermə işlərini təmin edir.