İyunun 18-də Neftçilər kampusunun Mərmər Zalında Xəzər Universitetinin İngilis dili və ədəbiyyatı departamenti tərəfindən mühüm tədbir keçiriləcək. Təqribən on natiqin iştirak edəcəyi bu kollokviumda Amerika Birləşmiş Ştatları, Pakistan və Azərbaycandan mütəxəssislər çıxış edəcək. Amerikalı natiqlər ABŞ Dövlət Departamentinin İngilis Dili üzrə mütəxəssisləri, pakistanlı natiqlər İslamabad Hava Universitetinin təxminən bir həftə Bakıya səfərdə olan mütəxəssisləridir. Azərbaycanlı natiqlər isə Xəzər Universitetinin əməkdaşlarıdır. Hər bir natiq bütün dünyada təhsili köklü şəkildə dəyişdirən süni intellekt haqqında öz unikal fikirləri və təcrübələrini bölüşəcək. Bu tarixi anın şahidi olan natiqlər Xəzər icması üçün indiyə qədər müşahidə etdikləri dəyişiklikləri və yaxın gələcəkdə gözlədikləri inkişafları açıq şəkildə təqdim edəcəklər.

Tədbirin alt başlığı onun mahiyyətini əks etdirir: "Davam Edən İnqilabla Barışıq". Nəzəriyyə və praktikanın birləşməsi ilə natiqlər iştirakçılara süni intellekti düzgün başa düşmək və öz məqsədləri üçün səmərəli şəkildə istifadə etmək yollarını göstərəcəklər. Mütəxəssislərin kollektiv rəyinə görə, süni intellektdən qorxmaq əvəzinə, onu təhsilin və insan həyatının keyfiyyətinin yaxşılaşdırılması üçün bir vasitə kimi qəbul etmək lazımdır. Bütün natiqlər süni intellektin yaranmasından əvvəl də öz sahələrində fəaliyyət göstərmiş, indi isə peşəkar rollarında müxtəlif səviyyələrdə bu texnologiyadan istifadə edən təcrübəli təhsilçilərdir.

Qeydiyyatdan keçən və təqdimatlardan yararlanan iştirakçılar sertifikat alacaqlar. Sertifikatlarda Xəzər Universitetinin keçən tədris ilində İngilis Dili üzrə mütəxəssisi Maykl Kollinz və Xəzər Universitetinin İngilis dili və ədəbiyyatı departamentinin müdiri doktor Milana Abbasovanın imzalarını yer alacaq.

Qeydiyyat üçün e-məktub göndərin:

E-poçt: arasulova@khazar.org

Telefon: +994(12)4211093 (230)