22 oktyabr 2024-cü il tarixində Xəzər Universiteti Həyat Elmləri Departamentinin professor-müəllim heyəti, tədqiqatçıları və tələbələrinin fəal iştirakı ilə Dünya Vahid Sağlamlıq Günü münasibətilə tədbir təşkil edəcəkdir. Bu məqsədlə tələbələrə biomüxtəlifliyin canlı nümunələrini göstərmək üçün Lənkaranda yerləşən "Citrus Valley" təsərrüfat sahəsinə səfər ediləcək. Burada biomüxtəlifliyin əhəmiyyəti, yerli, yabanı və introduksiya olunmuş növlərin qorunması haqqında müzakirələr aparılacaq, iqlim dəyişikliyinin və antropogen faktorların bu tip ekosistemlərə təsiri izah olunacaq, həmçinin sitrus ağaclarının etrafındakı ekosistemi təşkil edən digər canlılar, həşəratlar, quşlar və s. müşahidə olunacaqdır.
Bu tədbir Azərbaycanda və bütün dünyada insanlara, heyvanlara və ekosistemlərə təsir edən səhiyyə problemlərini tanımaq və bu barədə məlumatlılığı artırmaq məqsədi daşıyır.
Tədbir ictimaiyyətə açıq olacaq.