2023-cü il iyunun 1-2-də Xəzər Universiteti 3-cü Beynəlxalq Tək Sağlamlıq Konfransı  keçirəcək. Konfrans Xəzər Universiteti və İsveçin Kənd Təsərrüfatı Elmləri Universitetinin (SLU) “Molecular Sciences” və  “Swedish Centre for Animal Welfare” departamentləri ilə, həmçinin adları tezliklə elan olunacaq bir neçə yerli və beynəlxalq təşkilatla birgə təşkil edilir.

Konfransın əsas mövzusu belədir: “Tək Sağlamlıq: Problemlər və həllər". Bu mövzu Azərbaycanda və ümumilikdə dünyada Tək Sağlamlıq sahəsində aparılan tədqiqatlardan yeni innovasiyalara qədər kritik və mühüm əhəmiyyətli sessiyalardan ibarət olacaq. Konfransda “Tək Sağlamlıq”da yeni yanaşmalar,  ictimai sağlamlıq, iqlim dəyişmələrinin təbii fəlakətlərə təsiri, müharibə və ekoloji terrorun insan əsaslı təhlükələri, təbii fəlakətlərin nəticəsində yaranan fövqəladə vəziyyətlərə hazırlılıq, epidemioloji xəstəliklərə nəzarət və qarşısının alınması strategiyaları, qida təhlükəsizliyi, davamlı sağlam qida istehsalına nail olmaq üçün yeni Tək Sağlamlıq tədbirləri, Tək Sağlamlıq potensialının gücləndirilməsi və inkişafı üzrə təqdimatlar və müzakirələr ediləcəyi nəzərdə tutulur. Konfransda, həmçinin, gənc tədqiqatçılar və mütəxəssislər arasında gələcək əməkdaşlığı inkişaf etdirmək üçün yeni əlaqələrin qurulması təşviq olunacaqdır.

Sponsor və sərgi təqdimatı

Konfrans sponsor və sərgi üçün şirkətlərin xidmət və məhsullarının nümayişi və təqdimatı üçün unikal bir fürsətdir. İştirak etmək üçün erkən sifarişlər tövsiyə olunur.

Məruzələr və poster təqdimatları

Beynəlxalq Elmi Təşkilat Komitəsi məruzə və poster təqdimatları üçün abstraktları seçəcəkdir. Posterlərin konfransda nümayişi üçün təqdimatçılar posterlərini iyunun 1-də saat 10:00-dan etibarən iyunun 2-də konfransın sonuna qədər göstərilən yerdə asmalı və məlumat vermək üçün fasilələr zamanı posterlərinin yanında durmalıdırlar. Poster təqdimatı zamanı seçki komitəsi keyfiyyətli poster təqdimatına əsaslanaraq (poster təqdimatı zamanı keyfiyyətli poster və onun təqdim edilməsi), ən yaxşı posteri seçəcək və təqdimatçıya digər konfransda iştirak etmək üçün mükafat təqdim edəcəkdir. Posterin ölçüləri belədir: uzunluğu 120 sm və eni 100 sm.

Posterlər qeydiyyat üçün A4 pdf formatında contact@onehealth.az ünvanına göndərilməldir.

Abstraktlar konfransın internet səhifəsində onlayn təqdim edilməlidir.

Tezislərin və məqalələrin çap olunması

Tezislər və məqalələr resenziyalaşdırılan elmi jurnalların birinin xüsusi nömrəsində və eləcə də, konfransın elektron kitabında dərc ediləcək. Müəlliflər hər təqdimata bir məqalə təqdim edə bilərlər.

Daha geniş məlumatı bu veb-səhifədən əldə etmək olar: www.onehealth.az