Dövlət İmtahan Mərkəzi doktorantura və dissertanturada təhsil alan və ya təhsilini bitirmiş iddiaçıların xarici dil üzrə, həmçinin əcnəbilərin və vətəndaşlığı olmayan şəxslərin Azərbaycan dili üzrə fəlsəfə doktoru imtahanlarında iştirak etmələri üçün 2022-ci il dekabr ayının 1-nə qədər qeydiyyat elan edir.

İddiaçılar DİM-in internet saytında (http://ekabinet.dim.gov.az) “Şəxsi kabinet"in yaradılması və istifadə qaydası”na müvafiq olaraq “Şəxsi kabinet” yaratmalı, xarici dil və ya Azərbaycan dili üzrə (əcnəbilər və vətəndaşlığı olmayan şəxslər)  fəlsəfə doktoru imtahanında iştirak etmək üçün qeydiyyatdan keçməlidirlər.

Xarici dillər üzrə fəlsəfə doktoru imtahanının 2022-ci il dekabrın 11-də,  Azərbaycan dili üzrə fəlsəfə doktoru imtahanının isə dekabrın 13-də keçirilməsi nəzərdə tutulur.

Dekabrın 11-də keçirilən imtahan dinləyib-anlama, oxuyub-anlama, dildən istifadə (leksik-qrammatik tapşırıqlar) və yazı bloklarından ibarət olacaq. Bu imtahanda iştirak etməyən iddiaçılar danışıq bloku üzrə imtahana buraxılmırlar. Danışıq bloku üzrə imtahanın isə 2022-ci il 17 dekabr tarixində keçirilməsi planlaşdırılır. Danışıq bloku üzrə imtahanda iştirak etməyən iddiaçılar ilk 4 blok üzrə 30 bal və daha yüksək nəticə göstərsələr belə, şəhadətnamə ilə təmin olunmayacaqlar. Danışıq bloku üzrə qiymətləndirmə şifahi formada kompüter proqramı vasitəsilə həyata keçiriləcək.

Xarici dilin seçiminə qoyulan tələblər və imtahan haqqında daha ətraflı məlumatları aşağıdakı link vasitəsilə Dövlət İmtahan Mərkəzinin saytından əldə edə bilərsiniz:

https://dim.gov.az/news/9630/

Əlavə məlumat üçün əlaqə vasitələri:

Email: gbahaddinova@khazar.org

Telefon: +994 12 421 10 93 (daxili 246)