23 May 2022-ci il tarixində saat 11:00-da Təbiət elmləri və mühəndislik fakultəsinin Fizika və elektronika departamentində “Kvant komputerləri” adlı elmi seminar keçiriləcək.
Məruzəçi Türkiyə, Ankara Universitetinin “Komputer mühəndisliyi” departamentinin rəhbəri F.-r. e.d., professor İman Novruz oğlu Əsgərzadə ifratkeçiricilərin nəzəriyyəsi və ifratkeçiricilik elektronikası sahəsinin inkişafında görkəmli хidmətləri olan və bu elmi istiqaməti tədqiqatları ilə zənginləşdirən tanınmış fizikdir. Nüfuzlu Springer nəşriyatında ‘Unconventional superconductors: anisotropy and multiband effects’ və ‘Modern aspects of Josephson dynamics and superconductivity electronics’ fundamental monoqrafiyaların, böyük əksərliyyəti (132 ədədi) SCİ (Science Citation İndex) siyashısına daxil olan nüfuzlu хarici jurnallarda dərc olunmuş 220 elmi məqalənin müəllifidir. Onun əsərləri laylı və çoxzonalı ifratkeçiricilərin Ginzburg-Landau və Eliashberg nəzəriyyələri əsasında öyrənilməsinə həsr olunmuşdur. İ. N. Əsgərzadənin həmçinin kvant kompyuterlərin əsas elementi olan ifratkeçirici kvant bitlər və geyri-səlis məntigin tətbigi mövzusunda da görkəmli хidmətləri vardır. Onun əsərlərinə dünya alimlərinin monoqrafiya və elmi məqalələrində 1500-ə yaxın sayda istinad vardır.
Seminar online şəkildə keçiriləcək. İştirak etməyi arzu edənlər aşağıdakı link vasitəsi ilə seminara qoşula bilərlər:
Copyright © Xəzər Universiteti, 2022
