19-20 May 2022-ci il tarixlərində Xəzər Universitetində 2-ci Beynəlxalq Cocoa, Coffee and Tea Asia (CoCoTea Asia 2022) Konqresi keçiriləcək. Konfrans Xəzər Universiteti və Çinin Anhui Kənd Təsərrüfatı Universitetinin birgə təşkilatçılığı ilə keçirilir. Konfransın əsas məqsədi Kakao, Qəhvə və Çay üzrə müxtəlif interdisiplinar tədqiqat sahələrinə aid müzakirələrin aparılması və innovativ elmi nailiyyətlər haqqında məlumatların verilməsidir. Əsas mövzulara biologiya, kimya, texnologiya, metabolomiks, qidalanma və sağlamlıq, həmçinin keyfiyyət və təhlükəsizlik nəzarəti daxildir.

Konfransın əsas məqamları

• Genom və funksional genomiks
• Fiziologiya və seleksiya
• Kimyəvi tərkib və "tam" keyfiyyət
• Dad yaratma, prekursorlar və sensor aspektləri
• İstehlakçıların istəyi və seçimləri
• Qəhvə, Kakao, Çay - sağlamlıq və təhlükəsizlik
• Yeni yanaşmalar və texnologiyalar
• Yan məhsullar, tullantılar və dövri iqtisadiyyat
• Ekoloji və iqtisadi davamlılıq
• Funksional dad genomiksi və biotexnologiyası
• Yeni inqrediyentlər və qida dizaynı
• Yayılma tarixi, becərilməsi və ictimai həyatda rolu
• Mədəniyyət fenomenləri 

Poster təqdimatları 

Poster təqdim edən şəxslər posterləri özləri ilə gətirməli və 19-20 may tarixində saat 10:00-dan etibarən kofe fasilələri zamanı sərgidə posterlərinin yanında, tədqiqatları haqqında məlumat vermək üçün, dayanmalıdırlar. Poster formatında afişanın hündürlüyü 120 sm, eni 100 sm-dir. Poster təqdimatında Elmi Komitə tərəfindən qiymətləndirmə əsasında ən yaxşı poster seçiləcək. 

Qeydiyyat/Elmi əsərlər/Nəşrlər 

Konfransa təqdim olunan materiallar konfransın elektron kitabında, seçilmiş məqalələr isə elmi resenziyalı jurnalın xüsusi nömrələrindən birində dərc olunacaq. Müəlliflər hər təqdimat üçün bir məqalə təqdim edə bilərlər. Tezislər konfransın internet saytında onlayn şəkildə təqdim edilməlidir.

Qeydiyyat və tezislərin təqdim edilməsi üçün Konfransın internet saytına daxil olun: http://www.cocotea-asia2022.com/ 

Sponsorluq və sərgidə iştirak üçün zəng edin 

Konfransa sponsorluq və sərgidə iştirak etmək şirkətlərin ən son xidmətlərini və məhsul portfelini nümayiş etdirməsi və tanıtması üçün unikal fürsətdir. Erkən rezervasiya tövsiyə olunur.