Xəzər Universitetinin Həyat elmləri departamentinin rəhbəri Asəf Ömərov 15 iyul saat 14:30 da Kənd Təsərrüfatı Nazirliyinin Dövlət Aqrar İnkişaf Mərkəzlərinin (State Agricultural Development Centers) mütəxəssislərinə "Cavan qaramalın cinslərə görə yemləndirilməsi və qaramalın kökəldilməsinin xüsusiyyətləri" (Feeding of young cattle by breed and characteristics of cattle fattening) mövzusunda online qaydada təlim keçəcəkdir. 

Bu təlim zamanı cavan qaramalın yemləndirilməsi, dişi və erkək buzovlar üçün tələb olunan minimum diri çəki, buzovlar üçün yem norması, cavan qaramalın 1 yem vahidinə düşən zülalın, mineralların, xüsusən də kalsium və fosforun normativ miqdarı, vitaminlərin yemlərdə əhəmiyyəti, yeni doğulmuş buzovların süd dövründə bəslənməsi, 1-6 aylığa qədər buzovların bəslənməsi, düyələrin boğazlıq dövründə yemlənməsi, 1 baş boğaz düyənin gündəlik yem rasionu, laktasiya dövründə inəklərin, 1 baş 25 kq süd məhsuldarlığı olan sağmal inəyin gündəlik yem rasionu, südünü qurutmuş boğaz inəklərin yemləndirilməsi, yeni doğmuş inəklərə qulluğun prinsipləri, tövlə şəraitində sağmal inəklər üçün gündəlik iş qaydası, su ilə təminat, məhsuldarlığa təsir edən kritik göstəricilər, təlim iştirakçılarının diqqətinə çatdırılacaqdır.