Dövlət İmtahan Mərkəzi (DİM) 2021-2022-ci tədris ili üçün doktoranturaya və dissertanturaya xarici dil üzrə qəbul imtahanında iştirak etmək üçün qeydiyyat elan edib.

Nəzərinizə çatdırırıq ki, yeni qaydalara əsasən doktorantura və dissertanturaya qəbul olunmaq üçün sənədlərini ali təhsil müəssisələrinə, elmi müəssisəvə təşkilatlara təqdim etməyə hazırlaşan namizədlər əvvəlcə xarici dil üzrə qəbul imtahanında iştirak etmək üçün DİM-in internet saytında (http://ekabinet.dim.gov.az) “Şəxsi kabinet” yaratmalı və qeydiyyatdan (link iyunun 7-dən etibarən aktiv ediləcək) keçməlidir.

İmtahanda iştirak etmək üçün namizədlərin qeydiyyatı 2021-ci il iyunun 7-dən 13-dək aparılacaq.

İmtahanın 2021-ci il iyunun 20-də keçirilməsi nəzərdə tutulur. Danışıq bloku üzrə imtahanın isə iyunun 21-dən etibarən bir neçə gün ərzində keçirilməsi planlaşdırılır.

Namizədlərin imtahan verəcəkləri xarici dilin seçiminə qoyulan tələbləri və imtahan haqqında daha detallı məlumatları aşağıdakı link vasitəsilə Dövlət İmtahan Mərkəzinin saytından əldə edə bilərsiniz:

http://dim.gov.az/news/6701/

Əlavə məlumat üçün əlaqə vasitələri:

E-mail: saida.sharifova@khazar.org

Telefon: +994 12 421 10 93 (daxili 280, 246)