2018-ci il mayın 21-dən 24-dək Xəzər Universitetinin Riyaziyyat departamentində universitetin təsisçisi, Direktorlar və Qəyyumlar Şurasının sədri professor Hamlet İsaxanlının (İsayev) 70 illik yubileyinə həsr olunmuş “Riyazi fizikanın operatorları, funksiyaları və sistemləri” (RFOFS) adlı konfrans keçiriləcək.

Konfrans bütün dünyadan riyazi fizika sahəsində aparıcı mütəxəssisləri və gənc tədqiqatçıları bir yerə toplayır. Konfransın məqsədi riyazi fizika sahəsində yeni nəticələri və tədqiqat istiqamətlərini müzakirə etməkdir.

Konfrans aşağıdakı mövzuları əhatə edəcək:

• Ümumi operatorlar və spektral nəzəriyyə;
• Riyazi fizikanın xüsusi törəməli tənliklərinin analizi;
• Riyazi fizikanın məsələlərində bazislər, freimlər və aproksimantlar;
• Diferensial operatorların spektral nəzəriyyəsi;
• Klassik və kvant inteqrallanan modellər;
• Sim və kvant sahə nəzəriyyəsi;
• Xüsusi funksiyalar;
• Səpilmə nəzəriyyəsi;
• Tərs məsələlər.

Konfrans haqqında daha ətraflı məlumat və qeydiyyat üçün konfransın səhifəsinə daxil olmaq lazımdır:

https://sites.google.com/view/ofsmp2018.