2017-ci il oktyabrın 28-də Xəzər Universiteti və Gürcüstanın İlia Universitetinin birgə təşkilatçılığı ilə Xəzər Universitetində “Media və dünya” mövzusunda Semiotika üzrə VIII Beynəlxalq Konfrans keçiriləcək.

“Media və dünya” Beynəlxalq Konfransı məlumat çoxluğu dövründə məlumatı ötürmə vasitələrini və onların informasiya və gündəlik həyata təsirini araşdırmaq məqsədi daşıyır. Bu konfrans aşağıdakı suallara cavab verməyə çalışacaq:

– Yeni medianın (rəqəmsal media, yeni texnologiyalar) təsiri nəticəsində dünya necə dəyişir və yeni dünyada insanların rolu nədir?

– İnformasiyanın mənbəyi məlumatı dəyişirmi?

– Hansı halda məlumat dəyişdirilir?

– Ənənəvi və müasir informasiya ötürücüləri arasında fərq nədən ibarətdir?

Konfransın əhatə etdiyi mövzulardan bəziləri bunlardır:

• Dil və Ədəbiyyat Semiotikası
• Mədəniyyətlərin Semiotikası
• Semiotikanın Tarixi və Nəzəriyyəsi

Medianın xüsusi sahəsi olaraq, mədəniyyət faktorunun (ədəbiyyat, incəsənət, musiqi, dəb, vizual sənət və s.) analizinə xüsusilə maraq göstərdiyimizi qeyd etmək istərdik.

Konfrans iştirakçılarının ərizə formasını dolduraraq, xülasə ilə birlikdə (Xülasə üçün tələblər: bir səhifədən uzun olmamaq şərtilə, A4 formatında, font – Sylfaen, ölçü – 11) 2017-ci il oktyabrın 10-dək pbashirova@khazar.org elektron ünvanına göndərmələri tələb olunur.

Seçilmiş xülasələrin müəllifləri qəbul olunmaları haqda məlumatı son qeydiyyat tarixindən sonra 10 gün ərzində elektron ünvanlarına göndəriləcək məktub vasitəsilə əldə edəcəklər.

Konfransdan sonra seçilmiş yazılar “Semiotika” elmi jurnalının 17-ci sayında dərc ediləcək.

Konfransın işlək dilləri: Azərbaycan, gürcü, rus və ingilis dilləri. Əlavə məlumat üçün pbashirova@khazar.org elektron ünvanına müraciət edə bilərsiniz.