2020-ci il fevralın 25-də Düsseldorf Universitetinin alimi Ülvi Əhmədov Xəzər Universitetinin Həyat elmləri departamentinin təşkilatçılığı “Uzun kodlamayan HOTAIRM1 RNT-si glioblastomada şişlərin aqressivliyini və radioterapiya müqavimətini artırır (The long non-coding RNA HOTAIRM1 promotes tumor aggressiveness and radiotherapy resistance in glioblastoma)” adlı seminar keçirdi. Seminarda Xəzər Universitetinin 3-cü və 4-cü kurs biologiya və kimya-biologiya ixtisaslarının tələbələri, departamentin müəllimləri iştirak edirdilər. Beyin şişi xərçəngi bu tip xəstəliklər arasında ən ağır və müalicəyə ən az tabe olan xəstəliklərdən sayılır. Alim ölümcül beyin şişlərinin müalicəsində müasir yanaşma tərzini göstərməklə bərabər, Almaniyanın Heinrich-Heine Düsseldorf Universitetinin laboratoriyasında apardığı tədqiqat işlərindən, əldə etdiyi nəticələrindən ətraflı məlumat verdi. O, xərçəng hüceyrəsində mühüm rol oynayan RNA HOTAIRM1 genomunu nokaut etdikdən sonra əldə olan nəticələrin əhəmiyyətindən danışmaqla, bu tip xərçəng xəstəliklərin müalicəsində genetik yanaşmaları təhlil etdi. Seminar böyük maraq və diskussiya şəraitində keçdi.