Siyasi elmlər və fəlsəfə departamentinin müdiri Dr. Orxan Vəliyev 2024-cü il aprelin 22- də Bakıdakı T. İsmayilov adına  6 saylı məktəb-liseydə yuxarı sinif şagirdlərinə təlim keçmişdir. Təlim Elm və Təhsil Nazirliyinin dəstəyi və “Bir” Könüllü Tələbə Təşkilatının təşkilatçılığı ilə 22 aprel - 30 may tarixlərində təşkil edilən “Milli Kimlik Məktəbi” layihəsi çərçivəsində baş tutmuşdur.

Layihənin məqsədi gənclər arasında milli kimlik şüurunun möhkəmlənməsinə töhfə verməklə yanaşı, onları radikal meyllərdən uzaqlaşdırmaq və milli kimliyin müxtəlifliklərin toplamından ibarət olduğu fikrini aşılamaqdır.