2024-cü il mayın  3-də Xəzər Universitetinin koordinatorluğu ilə həyata keçirilən “Azərbaycanda İnstitusional Repozitoriyalar şəbəkəsi vasitəsilə Tədqiqat Potensialının inkişafı” DIRNA (Developing Research Capacity through Institutional Repositories Network in Azerbaijan) adlı layihənin nöbvəti online görüşü keçirilib. Görüşdə Xəzər Universitetinin nümayəndələri və Avropa tərəfdaşları Jyväskylä Universiteti (Finlandiya), Università degli Studi dell’Aquila-(İtaliya), İzmir Texnologiya İnstitutu (Türkiyə) iştirak edib. Görüş  Universitetin İnkişaf Mərkəzinin direktoru Raziya İsayevanın moderatorluğu ilə baş tutub. Layihənin növbəti addımı Gəncə Dövlət Universitetində keçiriləcək yay məktəbinin proqramının müzakirəsi olub. Görüşdə həmçinin Xəzər Universitetinin Keyfiyyət Təminatı Mərkəzinin rəhbəri Lüdmila Sotova, Kitabxana İnformasiya Mərkəzinin direktor müavini Aytac Misgərli iştirak ediblər. 

İzmir Texnologiya İnstitutunun (Türkiyə) kitabxana müdiri Gültəkin Gürdal yay məktəbi ilə bağlı  hazırladığı proqramın nümunəsini təqdim edbi. Jyväskylä Universiteti (Finlandiya) Kati Clements və  Università degli Studi dell’Aquila-(İtaliya) nümayəndəsi  Massimiliano D”Innocenzo və Anna Tozzi öz təkliflərini irəli sürdülər və növbəti online görüşün vaxtı, eyni zamanda  ona qədər görüləcək işlər müəyyən  olunub.

Azərbaycanda səkkiz ali təhsil müəssisəsini əhatə edərək 3 il davam edəcək (2023-2026)  DIRNA layihəsi hər kəsə əlçatan İnstitusional Repozitoriyalar (Elektron Arxivlər) Şəbəkəsinin yaradılması, tədqiqat nəticələrinin idarə edilməsində universitetlərin tədqiqat potensialının artırırlmasına xidmət edəcək.