Siyasi elmlər və fəlsəfə departamentinin müdiri Dr. Orxan Vəliyev  22- aprel – 30 may tarixlərində Elm və Təhsil Nazirliyinin dəstəyi və Bir Könüllü Tələbə təşkilatının təşkilatçılığı ilə təşkil edilən “Milli Kimlik Məktəbi” layihəsi çərçivəsində 2024-cü il aprelin 26-da  S.C.Pişəvəri adına Respublika humanitar fənlər gimnaziyasında yuxarı sinif şagirdlərinə təlim keçib,təlimin sonunda isə şagirdlərlə milli şüurun mənimsənilməsinə dair interaktiv oyun keçirib. Təlimdə fərqlənən üç təhsil alana Xəzər Universiteti adından hədiyyələr təqdim edilib.

Layihənin məqsədi gənclər arasında milli kimlik şüurunu möhkəmlənməsinə tövhə verməklə yanaşı, gəncləri radikal meyllərdən uzaqlaşdırmaq və milli kimliyin müxtəlifliklərin toplamından ibarət olduğu fikrini aşılamaqdır.

Layihənin sonunda fərqlənən şagirdlər   Şuşaya  ekskursiyaya aparılacaqdır.