2024-cü il martın 5-də Xəzər Universitetinin Beynəlxalq Əlaqələr Şöbəsinin təşəbbüsü ilə Varşava Universiteti Şərqi Avropa Mərkəzi tələbələr üçün məlumat sessiyası keçirib. Məlumat sessiyasında Varşava Universiteti Şərqi Avropa Mərkəzinin nümayəndəsi Şəhla Kazımova, Xəzər Universiteti Siyasi elmlər və fəlsəfə departamentinin müdiri Orxan Vəliyev, Karyera və Məzunlar Mərkəzinin direktoru Zərifə Əliyeva, Beynəlxalq əlaqələr şöbəsinin müdiri Fatimə Vəliyeva, koordinatoru Turan Əlizadə və Xəzər Universitetinin tələbələri iştirak ediblər.

Şəhla Kazımova tələbələrə Varşava Universitetinin təqaüd və tədqiqat proqramları, bu proqramlara müraciət qaydaları və prosesi, proqramlara qoşulan tələbələr üçün hansı imkanların yarana biləcəyi barədə məlumat verib və bu proqramlarda iştirak etməyin faydalarından danışaraq, öz təcrübəsini bölüşüb.

Sonda tələbələrin sualları cavablandırılıb.