2024-cü il fevralın 27-də Karyera və Məzunlar Mərkəzi və Deloitte şirkətinin əməkdaşlığı çərçivəsində Xəzər Universitetinin Maliyyə, Mühasibatlıq və digər müvafiq ixtisaslar üzrə təhsil alan sonuncu kurs və magistr tələbələri üçün nəzərdə tutulan "Deloitte Accounting Bootcamp" layihəsinə start verildi.

Layihənin ilkin mərhələsi olaraq riyazi və məntiq tipli suallardan təşkil olunmuş test imtahanı keçirildi. Testi uğurla başa vuran namizədlər layihəyə cəlb olunacaq və 2 ay müddətində Deloitte şirkətində vergi şöbəsinin əməkdaşları tərəfindən keçirilən təlimlərə qoşulmaq və mühasibatlıq biliklərini artırmaq şansı qazanacaqlar.