2024-cü il fevralın 11-də Xəzər Universitetinin Əcnəbi tələbələr klubu universitetin yerli və xarici tələbələri üçün növbəti “Muzey Günü” tədbiri keçirib.

Ekskursiyada Əcnəbi tələbələr klubunun sosial media meneceri Nigar Əsgərova və tədbirlər üzrə koordinator Jalə Zeynallı iştirak ediblər.

Gəzinti çərçivəsində ilkin olaraq Farhouse Neon İncəsənət Muzeyinə ekskursiya təşkil edilib. Muzeydə olduqları müddətcə tələbələr oradakı rəsm əsərləri barədə fikir mübadiləsi aparıblar.

Günün sonunda isə tələbələr dünyadakı ilk tanker-muzeyi olan Suraxanı Gəmi Muzeyinə gedərək orada toplanmış eksponatlarla bələdçi köməyi ilə tanış olublar.

Gəzintinin əsas məqsədi ölkə ərazisindəki muzeylərlə tanış olmaq və tələbələr arasında dil baryerini unutduran ünsiyyət yaratmaq olub.