2024-cü il fevralın 10-da Bakıda "Türk Dünyası Təhsil Sərgisi" adlı tədbir keçirildi. Əsas məqsəd türk dünyasının perspektivli universitetlərini bir araya gətirmək, onlar arasında ikili əməkdaşlıqları gücləndirmək və həmin universitetlərin yerli iştirakçılar arasında daha da tanınmasına yaratmaq yaratmaq idi. Sərgidə iştirak edən yerli universitetlərdən biri də Xəzər Universiteti oldu.

Sərgi Xəzər Universitetinin İctimaiyyətlə əlaqələr və media üzrə direktoru Əlövsət Əmirbəylinin açılış nitqi ilə başlandı. Əlövsət Əmirbəyli tərəfindən türk dünyasının məşhur universitetləri arasında əməkdaşlığın labüdlüyü və bunun ciddi inkişafa səbəb olacağı vurğulandı.

Sərgi zamanı Xəzər Universitetinin Beynəlxalq əlaqələr şöbəsinin müdiri Fatimə Vəliyeva və koordinatorları Arzu Bədəlova və Əli Mirzəzadə tərəfindən iştirakçıların Xəzər Universiteti barəsindəki suallarına cavab verilmiş, onlar universitetdə mövcud olan şərait, təqaüd imkanları və universitetin qəbul şərtləri haqqında məlumatlandırılmışlar.